प्रेश विज्ञप्ति : बढ्दो भ्रष्टाचार र जेन जेड आन्दोलन
सामाजिक सञ्जाल बन्द गर्ने नेपाल सरकारको हालको निर्णयले अभिव्यक्ति स्वन्त्रता, सूचना र सञ्चारजस्ता संविधान प्रदत्त नागरिकको आधारभूत अधिकारहरू प्रतिबन्धित हुन गएका छन् । पारदर्शिता र जवाफदेहीताको अभिवृद्धि तथा भ्रष्टाचार उजागर गर्ने कार्यमा सामाजिक सञ्जालको भूमिका महत्वपूर्ण हुँदै गएको अवस्थामा यसलाई सरकारले अकस्मात बन्द गर्दा नागरिक अधिकारको हनन् एवम् पारदर्शिता र जवाफदेहीतामा पर्दा लाग्न गई बढ्दो भ्रष्टाचार ढाकछोप हुने वातावरण बन्न गएको महसूस ट्रान्सपरेन्सी इन्टरनेशनल नेपालले गरेको छ ।
भ्रष्टाचार विरुद्धको अन्तर्राष्ट्रिय दिवस २०२४ को मूल विषयवस्तु “ग्लष्तष्लन धष्तज थ्यगतज ब्नबष्लकत ऋयचचगउतष्यलस् क्जबउष्लन त्यmयचचयध’क क्ष्लतभनचष्तथू रहेको समेत सन्दर्भमा देशका युवाले हालै सरकारबाट सामाजिक सञ्जालहरूमा लगाइएको बन्देज तथा बढ्दो भ्रष्टाचारको विरुद्धमा स्वःस्फूर्तरुपमा सुरु गरेको आन्दोलनप्रति ट्रान्सपरेन्सी इन्टरनेशनल (टीआई) नेपाल समर्थन जनाउँदछ ।
समस्याको शान्तिपूर्ण निकास दिई चरम अवस्थामा पुगेको भ्रष्टाचारलाई वस्तुपरकरुपमा नियन्त्रण गर्ने र भ्रष्टाचारीलाई कारबाही गर्नेतर्फ लाग्नुपर्नेमा सत्ताको बल प्रयोग गरी युवाको आवाजलाई दबाउन खोजिएको कारण दर्जनभन्दा बढी युवाहरूले ज्यान गुमाउनु परेको अत्यन्तै पीडादायक अवस्था सिर्जना हुन गएको छ । जिम्मेवार ब्यक्तिहरूलाई कानुनअनुसार कारबाही गरी थप द्वन्द्वको अवस्था सिर्जना हुनगएमा जनधनको अझ बढीे क्षति हुनसक्ने अवस्थाप्रति अत्यन्तै गम्भीर हुन ट्रान्सपरेन्सी इन्टरनेशनल नेपाल सरकारलाई अपिल गर्दछ ।
मदन कृष्ण शर्मा
अध्यक्ष
२०८२ भदौ २३
